Сузак району боюнча туристтик маалымат
Сузак району табигый кооздук, тарыхый мурас, жол боюндагы сервис жана жаратылыш койнундагы эс алуу жайлары менен айырмаланат. Бул бөлүмдө туристтер үчүн маанилүү объекттер, жайгашуу, тамактануу жана пайдалуу шилтемелер бир жерге топтолду.
Кара-Алма жана Көк-Арт багытындагы аймактар жаңгак-мөмө токойлору, тоо этектери жана жайкы эс алуу жайлары менен белгилүү. Аймак adventure жана eco туризм үчүн ыңгайлуу деп көрсөтүлөт.
Ош–Бишкек трассасына жакын жайгашкан объекттер жол жүргөн туристтерге токтоп эс алууга, тамактанууга жана түнөп кетүүгө ыңгайлуу шарт түзөт.
Тарыхый жана маданий объекттер
Курманбек баатырдын күмбөзү
Көк-Арт айыл аймагындагы Калмак-Кырчын айылында жайгашкан тарыхый эстелик. Күмбөз бир кабаттуу, жер төлөсү бар, аянты 36 сотых, айланасы тосулган. Аянтта Курманбек баатырдын эстелиги тургузулган.
Барпы Алыкуловдун үй музейи
Барпы айыл аймагындагы Ачы кыштагында жайгашкан. Бир кабаттуу музейде эки бөлмө бар. Экспонаттардын саны 146 даана.
Тукубай Тайгараевдин үй музейи
Багыш айыл өкмөтүнүн Кулбай уулу айылында жайгашкан. Бир кабаттуу музей, эки бөлмөдөн турат. Экспонаттарынын саны 100 даана.
Эс алуу жана жаратылыш багыты
Маркай лыжа базасы
Сафаровка айылындагы жайыт жерде жайгашкан. Кыш мезгилинде жарандарга лыжа тебүү жана кышкы оюндарды ойноо үчүн уюштурулган.
Беш-Булак
Сафаровка айылындагы жайыт жерде жайгашкан. 512 сотых жер бөлүнүп, жазгы жана жайкы мезгилде жарандардын эс алуусу үчүн шарттар түзүлгөн, ички жана тышкы оңдоо иштери жүргүзүлгөн.
Бозсалкын эс алуу жайы
Көк-Арт айыл аймагындагы Кара-Алма айылында жайгашкан. Жайкы сезондук эс алуу жайы, боз үй жана тапчандар бар. Таза абада тамактанууга жана үй-бүлөлүк эс алууга ыңгайлуу.
Жакшылык
Көк-Арт айыл аймагындагы Кара-Алма айылында жайгашкан. Жайкы сезондук эс алуу жайы, тапчандар коюлган, таза абада эс алууга жана тамактанууга ылайыктуу.
Шамси
Көк-Арт айыл аймагындагы Кара-Алма айылында жайгашкан. Жайкы сезондук эс алуу жайы, боз үй жана тапчандар орнотулган.
Конок үйлөрү
Prestige конок үйү
Сузак айыл аймагындагы Кумуш Азиз айылында, Ош–Бишкек трассасында жайгашкан. Алыс жолдон келе жаткан коноктор жана туристтер үчүн түнөп кетүүгө ыңгайлуу.
Charpaya 2 конок үйү
Көк-Арт айыл аймагындагы Кара-Алма айылында жайгашкан. A-frame тибиндеги бардык шарттары менен үйлөр сунушталат, айланасы токой менен курчалган.
Бозон жолборс конок үйү
Көк-Арт айыл аймагындагы Саты айылында жайгашкан. Эки A-frame тибиндеги бардык шарттары менен үйлөр бар.
Тамактануу жайлары
Кафе Мухаммед Ажы
Сузак айыл аймагындагы Кумуш Азиз айылында, Ош–Бишкек трассасында жайгашкан коомдук тамактануу жайы. Жол үстүндөгү туристтер үчүн ыңгайлуу.
Чайхана №1
Кумуш Азиз айылындагы коомдук тамактануу жайы. Алыс жолдон келе жаткан туристтер үчүн токтоп эс алып, тамактанууга ылайыктуу.
Кафе Зам-Зам
Сузак айыл аймагындагы Кумуш Азиз айылында жайгашкан жол боюндагы коомдук тамактануу жайы.
Балык Саты
Көк-Арт айыл аймагындагы Саты айылында жайгашкан коомдук тамактануу жайы. Негизинен балыктан жасалган тамактар сунушталат.
Саты Балык №2
Саты айылындагы дагы бир коомдук тамактануу жайы. Балык тамактарына адистешкен.