Коррупцияга каршы аракеттенүү бүгүнкү күндө эң актуалдуу жана маанилүү маселелердин бири болуп саналат. Мамлекет тарабынан бул багытта системалуу иштер жүргүзүлүп, тиешелүү мыйзамдар жана стратегиялык документтер кабыл алынган.
Кыргыз Республикасында коррупцияга каршы күрөш төмөнкү негизги нормативдик актыларга негизделет:
- «Коррупцияга каршы аракеттенүү жөнүндө» Кыргыз Республикасынын Мыйзамы
- Кыргыз Республикасынын Президентинин 2024-жылдын 5-июнундагы №137 Жарлыгы
- 2026–2027-жылдарга карата коррупцияга каршы маалыматтык саясат программасы
- Мамлекеттик жана муниципалдык органдардагы ыйгарым укуктуу кызмат адамы жөнүндө типтүү жобо
Коррупция – бул мыйзам тарабынан тыюу салынган жана коомго олуттуу зыян келтирген кылмыш болуп эсептелет. Ал мамлекеттик башкаруунун сапатын төмөндөтүп, экономикалык өсүшкө тоскоолдук кылат жана коомдогу адилеттүүлүктү бузат.
Ошондой эле коррупция билим берүү жана саламаттыкты сактоо сыяктуу маанилүү тармактардын ишине терс таасирин тийгизет жана акысыз кызмат көрсөтүүлөрдүн сапатын начарлатат.
Паракорлук – кылмыш
Кыргыз Республикасынын Кылмыш-жаза кодексине ылайык төмөнкү аракеттер кылмыш болуп эсептелет:
- пара алуу
- пара берүү
- пара талап кылуу
- ортомчулук
Бул аракеттер үчүн мыйзам чегинде жоопкерчилик каралган.
Пара деген эмне?
Пара катары төмөнкүлөр эсептелет:
- акча каражаттары
- баалуу буюмдар жана мүлк
- автоунаа, батир, жер тилкелери
- кызмат көрсөтүүлөр (дарылоо, эс алуу, саякат ж.б.)
- ар кандай жеңилдиктер жана артыкчылыктар
Эгер сизден пара талап кылынса
Эгерде сизден пара талап кылынса, төмөнкү аракеттерди жасаңыз:
- талап кылынган маалыматтарды так эстеп калуу
- шашылбай, сүйлөшүүнү туура жүргүзүү
- шарттарды тактоо
- пара берүүгө макул болбоо
- укук коргоо органдарына кайрылуу
Арыз кантип жазылат?
Арызда төмөнкү маалыматтар көрсөтүлүшү керек:
- кызмат адамынын аты-жөнү
- талап кылынган паранын көлөмү
- кайсы иш үчүн талап кылынганы
- убактысы жана жери
- башка маанилүү маалыматтар
Байланыш маалыматы (ACF)
Пара берүү же талап кылуу фактылары боюнча төмөнкү телефондорго кайрылсаңыз болот:
📞 (03748) 50004
📞 (03748) 50075
Сиздин кайрылууңуз сөзсүз каралат!